Ikastolatik dator

Aldizkaria

Ikastolatik dator

Abusuko "Udako solstizioa" obra saritua

Ikastolatik dator

Asteazkena, 2010(e)ko Uztaila(r)en 14-(e)an 12:55etan

Bilboko Udaleko Kultura eta Hezkuntza Sailak sustatzen duen Eskola Antzerki Jaialdiaren 15. edizioan, Abusu Ikastolako "Udako solstizioa" antzezlana saritua izan da. Bukaera ekitaldia Campos Antzokian egin zen eta saritutako lanak izan ziren ikusgai.

Bilboko 21 ikastetxe publikok eta pribatuk - lehen eta bigarren hezkuntzako 309 ikaslek- hartu dute parte lehiaketaren edizio honetan. Euskaraz eta gaztelaniaz egindako 39 antzezlan aurkeztu dira. Eskola Antzerki Jaialdia 1992an sortutako ekimena da, umeen artean arte eszenikoak sustatzeko helburuarekin.

ZORIONAK ABUSU!!

abusu1 abusu2

abusu5 abusu4

Iruzkina idatzi (0 Iruzkin)

Eskerrik asko, Ruper!

Ikastolatik dator

Asteazkena, 2010(e)ko Uztaila(r)en 14-(e)an 12:41etan

ruper

Ikasturte honetako azken zuzendarien bilera Portugaleten egin zen uztailaren 9an. Honen arrazoia bertako ikastolaren zuzendariari ondo merezitako omenaldia izan zen.

Ruper Ormaza 30 urte izan da Portugaleteko Asti Leku ikastolako zuzendaria. Orain jubilatu egin da eta Ikastolen Elkarteak urte guzti hauetan egindako lana eskertu nahi izan dio. Bilera beti bezala 09:30ean hasi zen eta bukaeran omenaldi ekitaldia burutu zen. Lehenengo argazki bilduma ikusteko aukera izan zen: hezkuntza,hizkuntza, ezkerraldea, ikastola, Euskal Herria, mundua... hauek dira bere ibilbidea laburbiltzen dutenak.

Aurreskuaren ondoren, 30 urte luze honetan izandako lankide eta lagun askok mezua helarazi zioten bideoaren bidez. Hunkigarria benetan. Gazteak dira ikastoletako benetako protagonistak. Hori dela eta, Asti Lekuko bertsolari gazteak, Eneko Gilisastik, denon izenean eskerrak eman zizkion Ruperi egindako lanagatik. Bukaeran, Ikastolen Elkarteko ordezkariek, Juan Carlos Gomezek eta Koldo Tellituk, ikastolen mugimenduaren alde egindako lana eskertzeko, euskal makila eman zioten. Txalo zaparradaren ondoren, Ruperek mikroa hartu eta emozionatuta eskerrak eman zituen. "Talde honetan gertatutakoa mirari bat da eta, nahiz eta tribu desberdinak egon egindako lana izugarria da. Eskerrik asko eman didazuen guztiagatik".

Ekitaldiari bukaera emateko La Arboledan giro zoragarrian bazkari eder batez gozatzeko aukera izan zuten partehartzaileek.

Iruzkina idatzi (0 Iruzkin)

JUUL 2010: Hauteskunde Literarioak

Ikastolatik dator

Asteartea, 2010(e)ko Apirila(r)en 27-(e)an 19:19etan

Haur- eta Gazte-literaturan euskaraz argitaratutako liburuen eta ilustratzaileen hauteskunde-emaitzen balorazioa.

Hamabigarren urtez jarraian, eta Nazioarteko Haur- eta Gazte-literatura egunaz baliatuz, Ikastolen Elkarteak bere literatur hauteskundeak antolatu zituen apirilaren 22an. Osotara 20.994 boto izan ziren jaso direnak, kategoria ezberdinetan.
Euskal Herriko Ikastoletako LIBURUEN boto-kopurua 15.258 izan da!
Euskal Herriko Ikastoletako ILUSTRATZAILE kategorian, hautesle 5.736 ikaslek botoa eman du eta parte hartu du ekintza honetan!

Aurreko urtetan bezala, bi izan dira bozketa egiteko erabilitako sistemak, hots, betiko boto-txartela eta bozketa elektronikoa, azkeneko hau gure web-orria erabiliz: www.juulkanpaina.net. Bereziki haur nagusiak izan dira sistema hau erabili dutenak. Batzuk bi boto eman dituzte, bat liburuarentzako, eta, bestea, ilustratzailearentzako.

Partaidetzari dagokionez, hagitz altua izan dela baiezta daiteke, kategori ezberdinetan:

A- Haur Hezkuntza: 2.589

B- Lehen Hezkuntza (1go eta 2. maila): 2.851

C- Lehen Hezkuntza (3. eta 4.maila): 3.165

D- Lehen Hezkuntza (5. eta 6. maila): 3.265

E- DBH: 3.304

F- Batxilergoa: 84

I- Ilustratzaileak: 5.736

Prozesua

- Aste osoan zehar izan dira botazioak gure ikastoletan.

- Aurtengo Batxilergoko ikasleak San Benito ikastolakoak izan dira. Zorionak irakasleak!

- Ikastolako irakasleek ideia berri aunitzez hornitu dute aurtengo kanpaina: blogak, pegatinak, kartelak, puzzleak, musika, olerkiaz eta abar.

- Bozka elektronikoa aukeratu dutenak bozkagai ziren liburuak aurkitu dituzte bertan, Ministerioko ISBN zerbitzuak horren informazioa igorri zigularik.

Bozka emaitzak

A- Haur Hezkuntza
1- Neu naiz ederrena, Mario Ramos.
2- Oilobustia, Emile Jadoul.
3- Kokoriko, Maria Núñez.

B- Lehen Hezkuntza (1go eta 2. maila)
1- Mamu-hezlea, Ana Maria Machado.
2- Ekilorea, Ane Schneider.
3- Mari Ttipia. Pasaiako itsasartean, Mikel Tellagorri.

C- Lehen Hezkuntza (3. eta 4.maila)
1- Nur eta herensugearen tenplua, Toti Martinez de Lezea.
2- Nur eta irlandar gnomoa, Toti Martinez de Lezea.
3- Nur eta oihan misteriotsua, Toti Martinez de Lezea.

D- Lehen Hezkuntza (5. eta 6. maila)
1- Nur eta herensugearen tenplua, Toti Martinez de Lezea.
2- Harresi handirantz, Jon Arretxe.
3- Nur eta oihan misteriotsua, Toti Martinez de Lezea.

E- DBH
1- Ezekiel, Jasone Osoro.
2- Seximenduz, Fernando Morillo.
3- Jara Bartzelonan, Jasone Osoro.

F- Batxilergoa
1- Aulki jokoa, Uxue Alberdi.
2- Festa aldameneko gelan, Mariasun Landa.
3- Kittano, Joxantonio Ormazabal.
4- Amodioaren gazi-gozoak, Aitor Arana.

I- Ilustratzaileak
1- Jose Luis Landa
2- Mikel Valverde
3- Jokin Mitxelena
4- Jose Ignacio Treku
5- Eider Eibar

Iruzkina idatzi (1 Iruzkin)

AE10 abestia

Ikastolatik dator

Osteguna, 2010(e)ko Otsaila(r)en 18-(e)an 14:35etan

ARABA EUSKARAZ 2010. ABESTIA

Ekainaren 20an Agurainen ospatuko den Araba Euskaraz ediziorako egindako kanta aurekeztu dute antolatzaileek. Abestiak dituen berezitasunen artean ondoko hauexek azpimarratu ditu musika egilea den Mikel Goikuriak:

-Kanta honetan ez dago talde bat kanta partehartzailea egin nahi izan delako.

-Partaidetzari dagokionez Crescendo abesbatza muina dela esan daiteke. Crescendo abesbatza oso ezaguna da Euskal Herri mailan. Bakarka aritzen direnen artean Aguraingo abeslari mitikoa den Evaristorekin belaunaldi berriak ere agertzen dira, Laia eta Amaia (Lautada ikastolako bederatzi urteko ikaslea) baita ikastolako ama den Isabel ere.

-Musikalki, adin guztietako edozeinek kantatzeko moduko abestia egiten saiatu dela gaineratu du Mikelek.

-Hitzari dagokionez Juan Perez de Lazarragak idatzitako bertsoekin hasten da.

-Hitzak, oro har arabarrok harro egotea arabarrak eta euskaldunak izateaz harro egotea hain zuzen. Bestetik amodio historio bat da "euskaraz ari banaiz, politagoa zarela"

-Maite Ortegak, Lautada ikastolako zuzendariak gaineratu du datorren astetik aurrera maila guztietako fitxa didaktikoak egongo direla www.arabaeuskaraz.net web orrian.

KANTA ENTZUTEKO KLIKATU HEMEN

Iruzkina idatzi (9 Iruzkin)

Ikastolen Elkartea: matrikulazioa

Ikastolatik dator
Osteguna, 2010(e)ko Otsaila(r)en 11-(e)an 17:19etan
Iruzkina idatzi (7 Iruzkin)

Artikulu gehiago...

<< Hasiera < Aurrekoa 1 2 3 4 5 6 7 8 9 10 Hurrengoa > Amaiera >>

Orria 1 Zenbatetik 22

Agenda

2010 Iraila

As	As	As	Os	Os	La	Ig
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30

Proposamenak

Sentimendu gabe. Sarkor

Urte batzuk pasa dira Arratzuko lokalean batzen hasi zirenetik, sei hain zuzen ere. Ordutik, bina maketa eta disko plazaratu dituzte, eta kontzertu batzuk eskeini dituzte ere Euskal Herrian zehar. Punkrock bi...